سودانی و پزیشکیان لەسەر چەند پرسێک کۆبونەوە

محەمەد شیاع سودانی سەرۆکوەزیرانی عێراق بە سەردانێکی رەسمی گەیشتە تاران و لەگەڵ مەسعود پزیشکیان سەرۆککۆماری ئێران کۆبووەوە.
دوای کۆتاییهاتنی کۆبوونەوەکەیان، هەریەکە لە سودانی و پزیشکیان لە کۆنفرانسێکی رۆژنامەوانی هاوبەشدا رایانگەیاند: گفتووگۆکەمان دەربارەی کۆمەڵێک بابەت و تەوەری گرنگی ناوچەکە بووە و جەختمان لە بەهێزکردنی پەیوەندییەکانی هەردوو وڵات لە بوارە جۆراوجۆرەکاندا کردووەتەوە.
ئاماژەیان بەوەشکرد: پێویستە پەیوەندییە هاوبەشەکانمان گەشەپێبدەین لە بواری وەبەرهێنان و گەشتیاری و پیشەسازیدا و کاربکەین بۆ پاراستنی بەرژەوەندییە ئابوورییەکانی هەردوو وڵات.