سەرۆکایەتییەکانی عیراق بۆ گفتوگۆ كردن لەبارەی
ئامادەكارییەكان بۆ هەڵبژاردنی پەرلەمانی عیراق 2025 و پێویستی دابینكردنی
پێداویستی لۆجستی و تەكنیكی بۆ كۆمیسیۆنی باڵای سەربەخۆی هەڵبژاردنەكان كۆبوونەوە.
بەپێی راگەیەندراوێكی رۆژنامەوانی سەرۆكایەتی
كۆمار لەکۆبونەوەکەدا هەریەک لە د.لەتیف جەمال ڕەشید سەرۆك كۆمار و د. مەحمود مەشهەدانی
سەرۆكی ئەنجومەنی نوێنەران و دادوەر فائق زێدان سەرۆكی ئەنجومەنی باڵای دادوەری
ئامادەبوون و گفتوگۆیان لەبارەی ئامادەكارییەكان بۆ هەڵبژاردنی پەرلەمانی 2025 و
پێویستی دابینكردنی پێداویستی لۆجستی و تەكنیكی بۆ كۆمیسیۆنی باڵای سەربەخۆی
هەڵبژاردنەكان كردوە.
هاوکات كاروباری دارایی و پرسی جووڵەی دارایی وەزارەت
و پارێزگاكان لەبودجەی وەبەرهێنان و بودجەی پەرەپێدانی هەرێمەكان تاوتوێ كراو
تەئكید لەسەر پێویستی جێبەجێكردنی پابەندییە داراییەكانی دامەزراوەكان و
وەزارەتەكان كرایەوە.
لەكۆبوونەوەكەدا باس لەدواكەوتنی پێشكەشكردنی
چەند پڕۆژە یاسایەكی گرنگ كرا كە لەلایەن سەرۆكایەتیی كۆمارەوە ئامادەكرابوو بۆ
دانیشتنەكانی ئەنجوومەنی نوێنەران و تەئكید لەسەر پێویستی كاری هاوبەش و هەماهەنگی
نێوان سەرۆكایەتی كۆمار و ئەنجومەنی نوێنەران كرایەوە.
Copyright © 2020 Kirkuk Tv All Rights Reserved Designed And Developed By AVESTA GROUP