قوباد تاڵەبانی جێگری سەرۆكی حكومەتی هەرێمی كوردستان دەڵێت: پیشەسازی دەستی تەعبیر لە کلتور و داب و نەریتی سەدان ساڵەی نەتەوەکەمان دەکات، بۆ ئەوەی ئەم هونەر و میراتە گرانبەها کلتورییە لە لەناوچوون بپارێزین، پلانمان هەیە لە چوارچێوەی ستراتیژی پەرەپێدانی کەرتی گەشتوگوزاردا لە شوێنە گەشتیارییەکانی کوردستاندا بازاڕی گونجاویان بۆ دابین بکەین تا هەر گەشتیارێک کە دێتە کوردستان بەرهەمێکی بەهەرەمەندە دەستڕەنگینەکانمان وەک یادگارییەکی بە نرخ و جوانی گەشتەکەی بۆ کوردستان لەگەڵ خۆی بباتەوە.
قوباد تاڵەبانی دەشڵێت: خۆشحاڵ بووم لە بەشداریکردن لە رێوڕەسمی پەرەپێدانی دامەزراوە گەشتیارییەکان و سوپاسی دەستەی گەشتوگوزار و وەزارەتی شارەوانی و گەشتوگوزار و هەردوو رێکخراوی USAID و UNDP دەکەم کە لە ماوەی یەک ساڵی رابردوودا پەرەیان بە تواناکانی ١٧٠ کچ و گەنجی بەهرەمەندی دەستڕەنگینی ناوچە جیاوازەکانی کوردستانیان داوە و دەرفەتیان بۆ رەخساندوون لە رێگەی هونەرەکەیانەوە هەم سەرچاوەیەکی داهات بۆ خۆیان دابین بکەن و هەم بەشداربن لە پەرەپێدانی کەرتی گەشتوگوزاردا.
Copyright © 2020 Kirkuk Tv All Rights Reserved Designed And Developed By AVESTA GROUP