ژه‌نه‌راڵ مه‌زڵوم عه‌بدی، فه‌رمانده‌ی گشتیی هێزه‌كانی سوریای دیموكرات (هه‌سه‌ده) پێشوازیكرد له فەرماندەی فەرماندەیی ناوەندی ئەمریکا (سینکتۆم)و دۆخی ئێستای سوریاو ئۆپەراسیۆنە هاوبەشەکانی دژی داعشیان تاوتوێكرد، جەختش لە بەهێزکردنی نێوانیان و پرسی ئاگربه‌ست و سەقامگیریی لە سەرتاسەری وڵاته‌كه كرایه‌وه.
مه‌زڵوم عه‌بدی له هه‌ژماری تایبه‌تی خۆی له تۆڕی كۆمه‌ڵایه‌تی (x) vایگه‌یاندووه: "له‌گه‌ڵ هه‌ریه‌ك له ژەنەڕاڵ مایکل کۆرێلا، فەرماندەی فەرماندەیی ناوەندی ئەمریکا (سینکتۆم) و ژەنەڕاڵ لاهی کیڤن، فەرماندەی هێزی ئەرکی هاوبەشی ئۆپەراسیۆنە تایبەتەکان كۆبووه‌ته‌وه.
ده‌شڵێت:"كۆبوونه‌وه‌كه گرنگ بوو بۆ هه‌ڵسه‌نگاندنی دۆخی ئێستای سوریا و ئۆپەراسیۆنە هاوبەشەکانی دژبه داعش"
فه‌رمانده‌ی گشتیی (هه‌سه‌ده) باسی له‌وه‌شكردووه:" له كۆبونه‌وه‌كه‌دا جەختیان لە گرنگیی هەوڵە نێودەوڵەتییەکان بۆ کۆنتڕۆڵکردنی زیندانەکان و گه‌ڕاندنه‌وه‌ی خێزانه‌كانی نێو كامپی هۆڵ بۆ ناو كۆمه‌ڵگه كردووه‌ته‌وه"
ئه‌وه‌شی خسته‌ڕو كه :"جەخت لە بەهێزکردنی ئەو هاوبەشییە و گرنگیی ڕۆڵی ئەمریکا لە ئاگربەستی هەمیشەیی لە باکوری ڕۆژهەڵاتی سوریا و دەستەبەرکردنی ئاسایش و سەقامگیریی لە سەرتاسەری وڵاتدا کراوه‌ته‌وه"
Copyright © 2020 Kirkuk Tv All Rights Reserved Designed And Developed By AVESTA GROUP