لە سەرانسەری جیهاندا نەوتی خاو بەرزبوونەوەی بەرچاوی بەخۆیەوە بینیوە

ئەمڕۆ نرخی نەوت لە بازاڕەکانی ئاسیادا دابەزی، بەڵام هێشتا لە بەرزترین ئاستی چوار مانگی رابردوویدا مامەڵەی پێوەدەکرێت.
بەپێی دواین زانیارییەکانی بازاڕی جیهانی تایبەت بە نرخی نەوت، ماوەی چەند رۆژێکە نرخی نەوتی خاو بەرزبووەتەوە و ئەمڕۆش سەرەڕای کەمێک دابەزینی بەڵام هەر بەبەرزیی ماوەتەوە، بەشێوەیەک نرخی یەک بەرمیل نەوتی خاوی برێنت گەیشتووەتە 80 دۆلار و 59 سەنت و بەرمیلێک نەوتی تێکساسیش، بە 76 دۆلار و 49 سەنتە
هۆکاری بەرزبوونەوەی نرخی نەوت، دەگەڕێتەوە بۆ چەند هۆکارێک کە گرنگترینییان زۆربوونی خواستی وڵاتان لەسەری و گرژی و ئاڵۆزییەکانی جیهان بەگشتی و رۆژهەڵاتی ناوەڕاستە بە تایبەتی.
ئەمە لەکاتێکدایە، گەنجینەی ئەمریکا گەمارۆی خستووەتەسەر کەشتی و کۆمپانیا رووسیی و چین و هیندییەکان و تەنیا بەهۆی سزادانی ئەو کەشتییە نەوتییانەوە رۆژانە نزیکەی 700 هەزار بەرمیل نەوت لە بازاڕدا ناهێڵێت.