سودانی گرێبەست لەگەڵ کۆمپانیایەکی بەریتانی ئیمزا
دەکات بۆ پەرەپێدانی کێڵگە نەوتییەکانی کەرکوک.
نوسینگەی راگەیاندنی محەمەد شیاع سودانی بڵاویکردەوە:
سەرۆکوەزیرانی عێراق لە لەندەن یاداشتنامەیەکی لێکتێگەیشتنی لەگەڵ کۆمپانیای (بریتش
پترۆلیۆم) ئیمزاکردوە سەبارەت بە هەڵسەنگاندن و گەشەپێدانی چوار کێڵگەی نەوتی کەرکوک
و دەوروبەری.
ئاماژەی بەوەشکردوە: ئامانج لە ئیمزاکردنی یاداشتەکە
کارکردنەلەسەر پرۆژەی نۆژەنکردنەوەی چوار کێڵگەی کۆمپانیای نەوتی باکور لە کەرکوک،
بەمەبەستی زیادکردنی بەرهەمهێنان و گەشەسەندنی ئەو کێڵگانە لەپێناو بەرهەمهێنانی بڕێکی
زیاتر لە نەوت و گاز.
سودانی لە سەردانەکەیدا بۆ لەندەن، لەگەڵ نوێنەری
24 کۆمپانیای بەریتانی کۆبوەتەوە و داوای هاوکاری و هاوئاهەنگی لێکردون بۆ بەرەوپێشبردنی کەرتی نەوتی
و بازرگانی و پیشەسازی لە عێراق.
Copyright © 2020 Kirkuk Tv All Rights Reserved Designed And Developed By AVESTA GROUP