ئیدارەی خۆسەر: بۆردومانی تورکیا لەنزیک بەنداوی تشرین بووە هۆی شەهیدبوونی ٥ هاوڵاتی

بەڕێوەبەرایەتیی خۆسەری باکوور و رۆژهەڵاتی سووریا بڵاویکردەوە، بەهۆی بۆردوومانێکی تورکیاوە پێنج هاوڵاتی لە نزیک بەنداوی تشرین شەهیدبوون و 15ـی دیکەش برینداربوون.
بەڕێوەبەرایەتیی خۆسەری باکوور و رۆژهەڵاتی سووریا لە راگەیەندراوێکدا دەڵێت، لەکاتی سەردانی ژمارەیەک هاوڵاتی وەکو پشتێنەی ئەمنیی بەمەبەستی پاراستنی بەنداوی تشرین، لە نزیکی بەنداوەکە و بەهۆی بۆردوومانی فڕۆکەی بێفڕۆکەوانیی تورکیاوە، پێنج کەسیان شەهیدبوون و 15ـی دیکەش برینداربوون .
بەڕێوەبەرایەتیی خۆسەر باس لە مەترسییەکانی هەرەسهێنانی بەنداوی تشرین دەکات و دەڵێت، هەرەسی بەنداوەکە دەبێتە هۆی خنکانی دانیشتووانی سەدان گوند و ناوچەی دەوروبەری رووباری فورات.
باسی لەوەشکردووە، بە هەرەسهێنانی بەنداوی تشرین، ناوچەکانی تەبقە تاوەکو رەققە و زەوییەکانی عێراقیش ژێرئاو دەکەون.