وەزارەتی دارایی عیراق رایگەیاند: "دەستیان بە دابەشكردنی مووچەی مانگی یەكی فەرمانبەران كردووەو داوا لە یەكەی ژمێریاری وەزارەت و پارێزگاكان دەكات بۆ وەرگرتنی مووچەكانیان سەردانیان بكەن".
بەپێی راگەیەندراوێكی وەزارەتی دارایی عیراق: "فەرمانگەی ژمێریاری وەزارەتەكە دەستی بەرێكارەكانی دابەشكردنی مووچەی فەرمانبەرانی شارستانی و سەربازی كردووە".
بەپێی راگەیەندراوەكە: "وەزارەتی دارایی داواشی لە یەكەی خەرجی وەزارەت و پارێزگاكان و لایەنە نەبەستراوەكان بە وەزارەتەوە كردووە، سەردانیان بكەن و رێكارەكانی تەواوكردنی مووچە تەواو بكەن".
دابەشكردنی مووچەی مانگی یەكی فەرمانبەرانی عیراق لە كاتێكدایە، كە هێشتا فەرمانبەرانی هەرێمی كوردستان مووچەی مانگی 12ی ساڵی رابردوویان وەرنەگرتووەو مووچەی ئەم مانگەش دیار نییە كەی دابەش دەكرێت، وەزارەتی دارایی هەرێم و فیدراڵیش یەكتر تۆمەتبار دەكەن كە پابەندی بڕیارەكانی دادگای فیدراڵی و بڕگەكانی بودجە نەبوون.
Copyright © 2020 Kirkuk Tv All Rights Reserved Designed And Developed By AVESTA GROUP