زیاتر له‌ 3 ملیارو 300 ملیۆن دیناری دزراو لە هەیکەلی خانوییەکدا دەدۆزرێتەوە

عێراق
18:20 - 2025-03-04


زیاتر له‌ 3 ملیارو 300 ملیۆن دینارو بڕێكی زۆر له‌ خشڵ و زێڕی دزراوی بەڕێوەبەرایەتیی گشتیی هاتووچۆی عیراق لە هەیکەلی خانوییەکی تەواونەکراودا دەدۆزرێتەوەو چوار تۆمەتباریش لەسەر ئەو کەیسە دەستگیرکراون و دانیان بەوەدا ناوە کە "ئەوان بردویانەو شاردویانەتەوە".دیناری دزراوی بەڕێوەبەرایەتیی گشتیی هاتووچۆی عیراق لە هەیکەلی خانویەکی تەواونەکراودا دەدۆزرێتەوە و چوار تۆمەتباریش لەسەر ئەو کەیسە دەستگیرکراون و دانیان بەوەدا ناوە کە "ئەوان بردویانەو شاردویانەتەوە".

چوار تۆمەتباری دۆسیەیەکی دزینی پارە لە بەڕێوەبەرایەتی گشتی هاتووچۆی عیراق دانیان بەوەدا ناوە، کە زیاتر لە سێ ملیار دیناریان بردووە و لە خانوویەکی تەواونەکراودا شاردوویانەتەوە.
 
دەستەی دەستپاکی عیراق لە راگەیەندراوێکدا کە ئەمڕۆ 4/3/2025 لە بارەی ئەو کەیسەوە بڵاویکردەوە لەزاری ئەنجوومەنی باڵای دادوەریی عێراق دەڵێت:" دادگای لێکۆڵینەوەی رەسافەی بەغدا کە تایبەتە بە  مەلەفی گەندەڵی و سپیکردنەوەی پارە، دانپێدانانی چوار تۆمەتباری ئەو دۆسیەیەی پەسندکردووە، کە تایبەت بووە بە دزین و شاردنەوەی سێ ملیار دینار  کە  لە بەڕێوەبەرایەتیی گشتی هاتووچۆی عیراق براوەو دیارنەماوە".
 
 بە گوێرەی راگەیەندراوەکە تۆمەتبارەکان دەستگیرکراون و دانیان بەوەدا ناوەکە ئەوان:" سێ ملیار و 390 ملیۆن دینار و بڕێک زێڕیان لە خانوویەکی تەواونەکراوی ناوچەی شەعب لە بەغدا شاردووەتەوە".
 
ئەو چوار کەسە برای هاوسەری تۆمەتباری سەرەکیی دۆسیەکەن، کە پێشتر لەسەر هەمان مەلەف دەستگیرکراوە.

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP