بەرپرسی بەشی زەوی و زار لە فەرمانگەی باجی کەرکوک، بە تۆمەتی وەرگرتنی بەرتیل له‌به‌رامبه‌ر راییكردنی مامه‌ڵه‌ی هاووڵاتییان، له‌لایه‌ن ده‌سته‌ی ده‌ستپاكی عێراقه‌وه سزادرا.
ئەمڕۆ یەکشەممە 23ی ئاداری 2025، دەستەی دەستپاکی عێراق رایگه‌یاند:" (هانا عەبدولکەریم حەسەن بەیاتی) كه تۆمه‌تباره به وه‌رگرتنی به‌رتیل له به‌رامبه‌ر راییكردنی مامه‌ڵه‌ی هاووڵاتییان، له‌لایه‌ن دادگای تاوانەکانی کەرکوک، بەبێ ئامادەبوونی خۆی سزای شەش ساڵ زیندانیکردن و پێبژاردنی بۆ تۆمەتباری هەڵهاتوو دەرکرد، کە وەک بەرپرسی بەشی زەوی و زار لە فەرمانگەی باجی کەرکوک کاریکردووە.
ئه‌وه‌شیخستووه‌ته‌ڕو كه:" بڕیاره‌كه‌ی دادگای ناوبراو، لە بەرامبەر ئەوەی تۆمەتبار لەبەرامبەر ئەنجامدانی مامەڵە، بەرتیلی وەرگرتووەو دەستکاریی کۆمەڵێک مامەڵەی کردووەو باجی لە هاوڵاتییان وەرگرتووە"
باسی له‌وه‌شكردووه كه:" دادگا بڕیارشیداوە بە دەستبەسەرداگرتنی ماڵ و موڵکی تۆمەتبارەکەو بڕیاری قەدەغەکردنی گەشتیشی بەسەردا سەپێنراوە".
Copyright © 2020 Kirkuk Tv All Rights Reserved Designed And Developed By AVESTA GROUP