بەڕێوەبەرایەتیی راگەیاندن و چاپ و بڵاوکردنەوەی سلێمانی داوای راگرتنی هەواڵەکانی تاوان و کوشتن لە کەناڵەکانی راگەیاندن دەکات و رایدەگەیەنێت: "هەر لایەنێک سەرپێچی ئەو بڕیارە بکات رێکاری یاسایی لەگەڵ دەگیرێتەبەر".
بەڕێوەبەرایەتی راگەیاندن و چاپ و بڵاوکردنەوەی سلێمانی لە راگەیەندراوێکدا ئاماژه‌ی بۆئه‌وه‌كردووه: "دەزگاکانی راگەیاندنی بینراو بیستراو خوێندراو ئاگادار دەکەینەوە بەهەموو جۆرێک روماڵی هەواڵی تاوان بەتایبەت کوشتن و چاوپیکەوتن لەگەڵ کەسوکاری کوژراوو شیکاری رووداوەکان رابگرن".
"ئەم بڕیارە لەپێناو پاراستنی پاراستنی تاکەکانی کۆمەڵگاو بەرژەوەندی گشتییەو سەرپێچیکاری رێنماییەکان رێکاری یاسایی بەرامبەر دەگیرێتەبەر"، راگەیەندراوەکە وادەڵێت.
ئەمەش لەکاتێکدایە لە چەند رۆژی رابردوو بۆردی راگەیاندنی یەکێتیی نیشتمانیی کوردستان لە سۆنگەی بەرپرسیارێتی و پاراستنی ئیتیکی رۆژنامەوانی بڕیاریدا لەسەرجەم کەناڵەکانی راگەیاندنی یەکێتی بڵاوکردنەوەی هەموو ئەو جۆرە هەواڵانە رابگرێت.
Copyright © 2020 Kirkuk Tv All Rights Reserved Designed And Developed By AVESTA GROUP