ژمارەی قوربانیانی بوومەلەرزەکەی میانمار ٣ هەزار کەسی تێپەڕاند

ژمارەی قوربانیانی بوومەلەرزەکەی میانمار ٣ هەزار کەسی تێپەڕاند و زیاتر لە 400 کەسیش بێسەروشوێنن.
زاو مین تون، وتەبێژی ئەنجوومەنی سەربازیی میانمار لە بەیاننامەیەکدا ڕایگەیاند: بە هۆی بوومەلەرزەکەی رۆژی هەینی رابردوو کە چەقی وڵاتەکەی هەژاند، ٣ هەزار و 85 کەس بوونەتە قوربانی و تائێستاش 341 کەس بێسەروشوێنن و چوار هەزار و 715 کەسیش بریندارن.
ئاماژەی بەوەشکرد: لە 17 وڵاتەوە کارمەندانی هاوکاریی و فریاگوزاری هاتوون و نزیکەی هەزار تۆن پێداویستی و کەرەستەی فریاگوزارییان گەیاندوەتە وڵاتەکە.
لە درێژەی قسەکانیدا ئاشکرایکرد: تاوەکو ئێستا ژمارەیەک هاوڵاتی لە ژێر  داروپەردودا ماون و لە هەوڵدان تاوەکو بیانگەڕێننەوە بۆ خێزانەکانیان.
هاوکات، سوپاس و پێزانینی ئاراستەی کۆمەڵگەی نێودەوڵەتی و تیمە پزیشکییەکان کرد بۆ هاوکارییەکانیان.