متمانه‌ له‌ سه‌رۆكی ئه‌نجومه‌نی پارێزگای دیاله‌ سه‌ندرایه‌وه‌

کوردستان
17:41 - 2025-03-23

 
ئه‌مڕۆ ئەنجومەنی پارێزگای دیالە بە كۆی دەنگ متمانه‌ی له‌ سەرۆکی ئەنجومەنه‌كه‌ وه‌رگرتووه‌و له‌ پۆستەکەی دوورخرایه‌وه‌و له‌ جێگه‌یدا نزار لهێبی دیاریكرا.

ئه‌مڕۆ یه‌كشه‌ممه‌ 23ی ئاداری 2025 ئه‌نجومه‌نی پارێزگای دیاله‌ (عومه‌ر معه‌ن كروه‌یی)، به‌ كۆی ده‌نگی ئه‌ندامانی ئه‌نجومه‌ن، كه‌ ژماره‌یان 11 ئه‌ندامه‌، متمانه‌ی له‌ سه‌رۆكی ئه‌نجومه‌نه‌كه‌ سه‌نده‌وه‌و هاوكات نزار لهێبی وه‌ك سه‌رۆك ئه‌نجومه‌ن دیاریكرد.

سه‌ندنه‌وه‌ی متمانه‌ له‌ سه‌رۆكی ئه‌نجومه‌نی دیاله‌ دوایی ئەوە هات كه‌ لە دانیشتنی ئەمرۆی ئەنجوومەنه‌كه‌، ‌كه‌ تایبه‌تكرابوو بۆ لێپرسینەوە لە ئەدای کارکردن و كاری ئیداره‌یی سه‌رۆكی ئه‌نجومه‌ن، به‌هۆی ئه‌وه‌ی سه‌رجه‌م ئه‌ندامانی ئاماده‌بوو، بڕوایان به‌ وه‌ڵامه‌كانی سه‌رۆكی ئه‌نجومه‌ن نه‌بوو، له‌پۆسته‌كه‌ی دوورخرایه‌وه‌و له‌ جێگه‌یدا (نزار لهێبی) كه‌سه‌ربه‌ حزبی (تقدم)ه‌ دیاریكرا.

ئه‌مه‌ له‌كاتێكدا مانگی رابردوو ئه‌نجومه‌نی پارێزگای نه‌ینه‌وا، به‌ تۆمه‌تی پێشێلكاریی یاسایی گه‌وره‌و ساخته‌كردنی بڕوانامه‌ له‌پێناو به‌ده‌ستهێنانی پۆست، (ئه‌حمه‌د حاسود)ی له‌ پۆسته‌كه‌ی دوورخسته‌وه‌.
 

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP