رێبوار تەها سەرپەرشتى کۆبوونەوەی لیژنەی باڵای ئەمنی دەکات

کوردستان
22:36 - 2025-03-23

ڕێبوار تەها پارێزگاری کەرکوک، سەرۆکی لیژنەی باڵای ئەمنی، سەرپەرشتی کۆبونەوەی لیژنەی باڵای ئەمنی كرد .
پارێزگاری کەرکوک ستایشی هەوڵی هێزە ئەمنییەکانی كرد بۆ پاراستنی ئەمنیەتی کەشوهەوای مانگی ڕەمەزان، جەختیشی لە پەرۆشی ئیدارەی کەرکوک و ئەنجومەنی پارێزگا بۆ دەستەبەرکردنی ئاسایش و سەقامگیری و خزمەتکردنی هاوڵاتیان كردەوە.
رێبوار تەها هێزە ئەمنییەكانی ڕاسپارد بۆ دانانی پلانی ئەمنی بۆ جەژنی ڕەمەزان و پاراستنی مزگەوت و ئەو شوێنانەی خەڵکی کەرکوک ڕووی تێدەكەن لە جەژندا، جگە ئاسانکاری بۆ هاتنە ژوورەوە و هاتووچۆی هاوڵاتیان بۆ کەرکوک یان ئەوانەی بەكەركوكدا تێدەپەڕن و دڵنیابوونەوە لە کەمکردنەوەی ڕووداوەکانی هاتووچۆ و هۆشیاركردنەوەی شۆفێران.
لە کۆبوونەوەیەدا بارودۆخی کەرکوک و هەماهەنگی و هاوکاری هاوبەش تاوتوێکرا بۆ پاراستنی ئاسایش و سەلامەتی هاوڵاتیانی کەرکوک و جەختیش كرایەوە لەسەر پاڵپشتیکردنی هەوڵەکان بۆ پاککردنەوەی کەرکوک و چارەسەركردنی دیاردە نەرێنییەكان و گرنگیدان بە سەلامەتی ژینگه و جوانی کەرکوك.


بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP