سەرکەوت حەسەن سەردانی دەزگایی میدیایی کەرکوکی کرد

سەرکەوت حەسەن، ئەندامی سەرکردایەتی و لێپرسراوی مەڵبەندی چەمچەماڵی ی.ن.ک بە یاوەری ئیدریس عادل نادرو بەشێک لە هەڤاڵانی مەڵبەند، سەردانی دەزگای میدیایی کەرکوکی کردو لەلایەن عیماد ناسیح سەرپەرشتیاری دەزگای میدیایی کەرکوک و سۆران داودی بەڕێوەبەری کەناڵی کەرکوکەوە پێشوازیکرا.

لێپرسراوی مەڵبەندی چەمچەماڵ، رۆڵی دەزگای میدیایی کەرکوکی بەرز نرخاند، لە گەیاندنی دەنگی هاوڵاتیان و ئەو پرسە چارەنوسسازانەی تایبەتن بە ناوچەدابڕێنراوەکان و لە کاتی هەڵبژاردنەکانی ئەنجومەنی پارێزگای کەرکوک و پەرلەمانی کوردستان رۆڵی خۆی لەسەرخستنی لیستەکانی (ی ن ک) هەبووە، و وەک دیارییەکی سەرۆک مام جەلالیش هەمیشە چەپکە گوڵەکەی کردۆتە ئامانجی کارکردنی لە پێناو قوڵکردنەوەی گیانی تەبایی و پێکەوەژیانی نێو سەرجەم نەتەوەو پێکهاتە جیاوازەکانی کەرکوک.