سه‌رۆك بافڵ: کەرکوک دەکەین بە پاکترین و جوانترین و ئارامترین شار

کوردستان
16:27 - 2025-03-26


بافڵ جەلال تاڵەبانی سەرۆكی یەكێتیی نیشتمانیی كوردستان بە سەردانێك گەیشتە كەركوك و پاڵپشتی خۆی بۆ خەڵك و ئیدارەی شارەكە دووپاتكردەوە و رایگەیاند:" هیچ كات كەركوك جێناهێڵین".

دواتر سەرۆک بافڵ بە ئامادەبوونی هەڤاڵان رەفعەت عەبدوڵا و ئاسۆ مامەند ئەندامانی مەکتەبی سیاسی و رێبوار تەها ئەندامی سەرکردایەتی و پارێزگاری کەرکوک لە هۆڵی کۆبوونەوەکانی بارەگای مەکتەبی سیاسی، بەربانگی لەگەڵ ژمارەیەکی بەرچاو لە مامۆستایانی ئاینی شاری کەرکوک کردەوە و دواتر لەگەڵیان کۆبووەوە و لە نزیکەوە گوێی لە پێشنیاز و داواکارییەکانیان گرت.

هاوکات لەسەردانەکەیدا بۆ کەرکوک سەرۆک بافڵ رایگەیاند: کەرکوک دەکەین بە پاکترین و جوانترین و ئارامترین شار لە هەموو عیراق".

راشیگەیاند:"پارێزگارێکمان بۆ ئێوە ناردووە کە خزمەتی هەموو پێکهاتەکان بکات و دەبێت کەرکوک ببێتە نمونەی شاری پێکەوە ژیان ".

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP