بازرگانی عیراق دەست بە دابەشكردنی دووەم سەبەتەی خۆراكی ئەمساڵ دەكرێت

وەزارەتی بازرگانی و پیشەسازیی حكومەتی هەرێمی كوردستان سەبارەت بە دابەشكردنی دووەم سەبەتەی خۆراكی ئەمساڵ، ئاگادارییەك ئاراستەی هاووڵاتییان دەكات.
وەزارەتی بازرگانی عیراق ڕایگەیاند لە داهاتوویەكی نزیكدا بەشی دووەمی سەبەتەی خۆراک بۆ ئەمساڵ دابەش دەکرێت و  ئێستا بەشێکی زۆری ماددەکان گەیشتوون كە بۆ هەر هاووڵاتییەك بەم شێوەیە (سێ کیلۆ برنج،  یەک کیلۆ شەکر، چوارسەد گرام دۆشاو، یەک لیتر زەیت، نیوکیلۆ نیسک، نیوکیلۆ ئارینۆک). بازرگانی عیراق دەڵێت لیست دەدرێتە بریکارەکان و دواتر دەست بە دابەشکردن دەکرێت.
سەبارەت بە ئارد وەزارەتی بازرگانی ئاماژەی بە ئەوە داوە سێیەم بەشە ئارد بڕیارە دابەش بكرێت و ئامادەكاریی كراوە بۆ وەرگرتنی گەنم لە سایلۆكان لەلایەن ئاشەكانەوە بۆ دابەشكردنی ئارد بەسەر بریكارەكاندا.