سوپای پاسدران: ئەمریكا هێرشبكاتە سەرمان گەروی هورمز دادەخەین

عەلی رەزا تەنگسیری، فەرماندەی هێزی دەریایی سوپای پاسدارانی ئێران  ڕایگەیاند، ئەگەر ئەمریكا یاخود هەر وڵاتێكی هێرش بكاتە سەرمان ئەوا گەروی هورمز دادەخەین.
ئاماژەی بەوەشكرد، "بڕیاری داخستنی گەروەكە لەلایەن فەرماندە باڵاکانی وڵاتەكەمانەوە دەدرێت و  جێبەجێکردنی بڕیارەکەش بەرپرسیارێتی منە".
ئەو بەرپرسەی سوپای ئێرانی وتیشی، چاوپۆشی ناكەن لە هیچ هێرشێک بكرێتەسەریان و  هیچ کەسێک ناتوانێت لێیان بدات و دەربازبێت، تەنانەت ئەگەر ناچاریش بن بەدوایەوەبن بۆ کەنداوی مەکسیک، ئەوا ئەو کارە دەکەن.
ئەوەشیخستەڕو، ئێران ناچێتە ناو هیچ دانوستانێکەوە سەبارەت بە بەرنامەی موشەکییەکەی یان تواناکانی بەرەی مقاوەمە و ئەم پرسانە بۆ گفتوگۆ نین.