دەستەی پیشەسازیی سەربازیی عیراق پلانی بۆ بەرهەمهێنانی هاوەن و ڕاجیمەو مووشەکی مەیدانی و تۆپخانەی بۆ ئەمساڵ ئاشکرا کرد و رایگەیاند:" بەهۆی بەرهەمی خۆماڵییەوە 700 ملیۆن دۆلار گەڕاوەتەوە خەزێنەی حکومەت".
مستەفا عاتی سەرۆکی دەستەی پیشەسازیی سەربازیی بە ئاژانسی هەواڵەکانی عیراقی راگەیاندووه:" کارگەکانی دەستەی پیشەسازیی سەربازیی، ئێستا چەندین جۆری نوێی چەکی سووک و جبەخانەی مامناوەندو تۆپی قورس بەرهەمدەهێنن،هەروەها بۆ ئەمساڵیش هاوەن و ڕاجیمەی مەیدانی و تۆپهاوێژ بەرهەمدەهێنن".
سەرۆکی دەستەی پیشەسازیی سەربازیی ئاشکراشی کرد:" قەبارەی گرێبەستەکان لەگەڵ دەستەکە بۆ بەرهەمهێنانی پێداویستییەکانی هێزە چەکدارە عیراقییەکان لە ناوخۆدا لە چەک و فیشەک و تەقەمەنی کە لە ساڵی 2023و 2024 زیاتر لە 700 ملیۆن دۆلاری گەڕاندۆتەوە بۆ خەزێنەی دەوڵەت، کە پێشتر ئەو بڕە پارەیە دەدرا بە کۆمپانیا بیانییەکان".
Copyright © 2020 Kirkuk Tv All Rights Reserved Designed And Developed By AVESTA GROUP