ئیدارەی خۆسەری دیموکراتی هەرێمی باکورو رۆژهەڵاتی سوریا له راگه‌یه‌ندراوێەكدا بۆ رای گشتیی، هه‌ڵوێستی سه‌باره‌ت به پێكهێنانی كابینه‌ی نوێی حكومه‌تی سوریا راگه‌یاندو ئاماژه‌ی بۆئه‌وه‌كردووه كه:" زۆر لە حکومەتەکەی پێش خۆی دەچێت"
ئیداره‌ی خۆسه‌ر له‌و راگه‌یه‌ندراوه‌دا ئه‌وه‌یخستووه‌ته‌رَو كه:" لە ماوەی چەند هەفتەو مانگی ڕابردوودا، هاووڵاتییانی سوریا بە په‌رۆشه‌وه چاوەڕێی پێکهێنانی حکومەتێکی نیشتمانیی بوون كه هیوایان ده‌خواست، ره‌نگدانه‌وه‌ی فرەچەشنی و فرەیی وڵاتەکەبێت، بە لەبەرچاوگرتنی ئەو نه‌هامه‌تییه بێسنووره‌ی كه لە ئەنجامی سیاسەتەکانی په‌راوێزخستن و سڕینه‌وه، لە سەردەمی ڕژێمی له‌ناوچو به‌سه‌ریاندا سه‌پێندرابو وبه‌هۆی قۆرخكردنی ده‌سه‌ڵات، زۆرێک لە توێژەکانی دانیشتوانی وڵاته‌كه‌ی پەراوێزخستبو، له‌به‌ر ئه‌وه ئەو حکومەتەی ئێوارەی شەممە 29ی ئادار لە دیمەشق رایگەیەندرا، زۆر لە حکومەتەکەی پێش خۆی دەچێت، بەو پێیەی رەچاوی فرەچەشنی لە سوریا نەکردووە."
روونشیكردووه‌ته‌وه كه:" ئەو سیاسەتەی حکومەتی ئێستای دیمەشق پیادەی دەکات دەمانباتەوە بۆ چوارگۆشەی یەکەم".
ئیداره‌ی خۆسه‌ر داواش لە دەسەڵاتدارانی دیمەشق ده‌كات "سیاسەتی دوورخستنەوە و پەراوێزخستن رابگرن".
هه‌روه‌ك پێداگریی خۆی لەسەر بونیادنانی سوریایەکی دیموکراسی و هاوبەشی و ناناوەندێتی، کە گەرەنتی هاوڵاتیبوون بکات دووپاتكردووه‌ته‌وه‌و ده‌ڵێت:" قۆرخکردنی دەسەڵات لەلایەن لایەنێک و پەراوێزخستنی پێکهاتەکانی تری سوریا، رەتدەکەینەوە و دووبارەکردنەوەی هەڵەکانی رابردوو، تەنها زیان بە سوریەکان دەگەیەنێت و هەرگیز نابێتە هۆی بەدیهێنانی پرۆسەیەکی سیاسی گشتگیر کە بتوانێت کێشە هەڵپەسێردراوەکان و کێشەو قەیرانەکانی سوریا چارەسەر بکات".
Copyright © 2020 Kirkuk Tv All Rights Reserved Designed And Developed By AVESTA GROUP