له‌ ‌كێڵگه‌كه‌ی په‌له‌وه‌ری گرده‌چاڵ زیاتر لە 100 هەزار پەلەوەرسووتاون ‌

ئاگر لە کێڵگەیەکی پەلەوەر لە هەولێر کەوتەوە و  100 هەزار جوچکە سوتاون و زیانەکەی بە نزیکەی دوو ملیۆن دۆلار دەخەمڵێنرێت.

سەرلەبەیانی ئەمڕۆ لە گوندی (گردەچاڵ)ی سنوری قەزای بەحرکە ئاگر لە کێڵگەیەکی پەلەوەر کەوتەوە و بەهۆیەوە زیاتر لە 100 هەزار پەلەوەر سووتان.

 ئاگرەکە سەعات ٨:٠٠ ی بەیانی ئەمڕۆ لە گوندی گردەچاڵ لە سنوری قەزای بەحرکە کەوتووەتەوە، تیمەکانی ئاگرکوژێنەوە ئاگرەکە یان کوژاندەوە ، تا ئێستا هۆکاری ئاگرەکە و زیانەکانی بەڕەسمی ئاشکرا نەکراوە.

بەوتەی خاوەنی کێڵگەکە زیاتر لە 100 هەزار جوچک سوتاون لەگەڵ چەندین ئامێر و کەرەستەی ناو کێڵگەکە، ئەمە جگە لەوەی 200 هەزار هێلکەشی تێدابووە و کۆی زیانەکەشی بە نزیکەی دوو ملیۆن دۆلارە دەخەمڵێنرێت.

تیمەکانی ئاگرکوژێنەوە بە  پێنج ئۆتۆمبێلی ئاگرکوژێنەوە و چەند تانکەرێکی ئاو گەیشتوونەتە شوێنی روداوەکە، بەزەحمەت و بەچەند سەعاتێک ئاگرەکە یان کوژاندەوە.