کۆمپانیای (هاڤێلسان) بۆ تەکنەلۆجیای بەرگریی تورکیا و لەگەڵ کۆمپانیای (كادر) بۆ پیشه‌سازییه پێشكه‌وتووه‌كان له میسر ڕێککەوتنێكی هاوکاریی ستراتیژییان ئیمزاكرد.
له راگه‌یه‌ندراوێكی هاوبه‌شی هه‌ردوو كۆمپانیاكه‌دا ئاماژه بۆئه‌وه‌كراوه :" ڕێککەوتنەکە رێگه‌ده‌دات بەرهەمهێنانی سیستەمی پێشکەوتووی ئۆتۆمبێلی زەمینی بێ سەرنشین – کە لە سەرەتادا لەلایەن تیمەکانی ئەندازیاریی تورکی پەرەی پێدراوە - لە دامەزراوەکانی کۆمپانیای کادر لە میسر، كۆمپانیای (هاڤێلسان) پشتگیریی تەکنیکی و مۆڵەت دەدات بۆ ئاسانکاریی لە بەرهەمهێنانی ناوخۆیی."
راگه‌یه‌ندراوه‌كه باس له‌وه‌شده‌كات كه: "رێككه‌وتنه‌كه له مه‌راسیمێكی ره‌سمیدا به ئاماده‌بوونی سه‌رۆكی ئه‌نجومه‌نی ئیداره‌ی كۆمپانیای قادر و (شه‌فكه‌وت ئۆنال) جێگری به‌ڕێوه‌به‌ری گشتیی كۆمپانیای (هاڤێلسان) ئیمزاكراوه كه باڵیۆزی توركیاش له قاهیره به‌شداریكردووه."
جێگری به‌ڕێوه‌به‌ری گشتیی كۆمپانیای (هاڤێلسان) ده‌ڵێت:" ئه‌م هاوكارییه‌ی نێوان هه‌ردوو كۆمپانیاكه زۆر له‌وه زیاتره كه ته‌نها گواستنه‌وه‌ی ته‌كنۆلۆجیا بێت، به‌ڵكو هاوكارییه‌كه بۆ دیدگای هاوبه‌ش و ئه‌زموون"
Copyright © 2020 Kirkuk Tv All Rights Reserved Designed And Developed By AVESTA GROUP
