دۆناڵد ترەمپ سەرۆکی ویلایەتە یەکگرتووەکانی ئەمریکا باجی خستنەسەر ژمارەیەک وڵاتی جیهان، راوێژكارێکی سەرۆک وەزیرانی عیراقیش دەڵێت:« ئەو بڕیارەی ئەمریکا عیراق ناگرێتەوە و هەناردەی عیراق زیاتر وزەیە بەتایبەت نەوت».
فەرهاد عەلائەدین راوێژکاری محەمەد شیاع سودانی سەرۆکوەزیرانی عیراق بۆ پەیوەندییەکانی دەرەوە ڕایدەگەیەنێت: « بازرگانی و هەناردەی عیراق لەگەڵ ئەمریکا لەبواری وزە دایە بەتایبەتی نەوتی خاو، بۆیە بڕیاری سەپاندنی باجی ئەمریکا ، عیراق ناگرێتەوە".
"کاریگەریی و لێکەوتە ئابوورییەکانی ئەو بڕیارەی سەرۆکی ئەمریکا سەبارەت بە باج لەسەر عیراق زۆر سنووردارە» فەرهاد عەلائەدین وا دەڵێت.
سەرۆکی ئەمریکا شەوی چوارشەممە بڕیاری سەپاندنی باجی بەسەر ژمارەیەک وڵاتی جیهاندا سەپاند و کاردانەوەی نارەزایی بەدوای خۆیدا هێنا.
ئەمڕۆ راوێژکاری سەرۆکوەزیرانی عیراق رایگەیاند:« پەیوەندی و هاوبەشی نێوان ئەمریکا و عیراق ستراتیژی و پتەوە و سەپاندنی بریاری باج عیراق ناگرێتەوە».
«عیراق پەیوەستە بە هاوکاری نێوان ویلایەتە یەکگرتووەکانی ئەمەریکا و عیراق لەسەرجەم سێکتەرە هەمەلایەنەکاندا».
فەرمانی سەپاندنی باج کە دۆناڵد ترەمپ سەرۆکی ئەمریکا ئیمزایکرد، باجی گومرگی بەسەر ١٨٥ دەوڵەت دا لە جیهاندا دەسەپێنێت، بەرێژەی جیاواز کە 10% کەمتر نەبێت و 50% زیاتر نەبێت.
Copyright © 2020 Kirkuk Tv All Rights Reserved Designed And Developed By AVESTA GROUP