هەسەدە ئامادەکاری بۆ ئاڵوگۆڕکردنی دیل و تەرم لەگەڵ تورکیا دەکات

جیهان
17:38 - 2025-04-01

روانگەی سوری بۆ مافەکانی مرۆڤ رایگەیاند: هێزەکانی سوریای دیموکرات (هەسەدە) ئامادەکاری دەکات بۆ ئاڵوگۆڕکردنی دیل و تەرمەکان لەگەڵ تورکیا.
دەشڵێت: هەردوولا ئامادەن تەرمی ئەو چەکدارانە ئاڵوگۆڕ بکەن کە لە چەند هەفتەی رابردوودا لە بەنداوی تشرین و پردی قەرە قۆزاک لە ریفی حەلەب گیانیان لەدەستداوە.
روانگەی سوری ئاشکراشیکرد: پێشتر هێزەکانی هەسەدە 40 تەرمیان لە تورکیا وەرگرتووەتەوە و 25 تەرمیشیان رادەست کردووە، کە چواریان هاووڵاتی تورکن.
ئەم ئامادەکارییانەش بۆ ئاڵوگۆڕی دیل و تەرمەکان لە کاتێکدایە ئێستا ئاگربەستێک لە نێوان هەردوولادا هەیە، سەرەڕای ئەوەی لە 12ـی کانوونی یەکەمی 2024ـەوە شەڕ لە نێوان هێزەکانی هەسەدە و سوپای تورکیا سەری هەڵداوەتەوە.

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP