لە جەژنی رەمەزان و قورباندا سێ هەزار تۆن چەرەس هاوردەی هەرێمی کوردستان دەکرێت

لەگەڵ هاتنی جەژنی رەمەزان و قورباندا، خواست لەسەر کڕینی چەرەس، نوقڵ و چکڵێت زیاد دەکات، ساڵانە سەدان تۆن چەرەس و چکلێت دێنە هەرێمی کوردستانەوە.
بەپێی ئاماری یەکێتیی هاوردە و هەناردەکارانی کوردستان، ساڵانە دوو بۆ سێ هەزار تۆن چەرەس و  200 بۆ 300 تۆن نوقڵ و چکلێت هاوردەی هەرێمی کوردستان دەکرێت و بە بەهای زیاتر لە 22 ملیار و 750 ملیۆن دینار چەرەس دەفرۆشیرێت.
هەرێمی کوردستان بە زۆری چەرەس لە شەش وڵاتەوە هاوردە دەکات، بەشێوەیەک لە ئێران فستق و گوڵەبەڕۆژە، لە تورکیا گوڵەبەرۆژە و فستق و بندوق، لە چین گوڵەبەرۆژە و دەنکە کولەکە و لە هیندستان عەلی بابا و مێوژ و لە ڤێتنام گازۆ و لە ئەمریکا فستق هاوردە دەکرێت.