بڕیارە ئەمڕۆ لەسەر داوای خوێندکارانی زانکۆکانی تورکیا، مانگرتنی گشتیی و بایکۆتکردنی دوکان و بازاڕەکانى تورکیا بەڕێوەبچێت کە تێیدا بۆماوەی یەک ڕۆژ بایکۆتی سەرجەم چالاکییە ئابورییەکان دەکرێت، ئەوەش وەک هەڵوێستێک بەرامبەر دەستگیرکردنی (ئەکرەم ئیمام ئۆغڵو) سەرۆکی شارەوانی ئیستەنبوڵ.
لە بەرامبەر ئەو هەڵوێستەی جەهەپە، عەلی یەرلیکایا وەزیری ناوخۆی تورکیا لە تۆڕی کۆمەڵایەتی ئێکس نوسیویەتی: مانگرتن لە دوکان و بازاڕ و ڕێگریکردن لە ساغبونەوەی بەرهەمی ناوخۆیی وڵاتەکە یاریکردنە بە بژێوی هەزاران کەس.
ئەوانەشی لەپێناو بەرژەوەندی سیاسیی خۆیان، گەنجان و هاوڵاتییان هاندەدەن بچنە سەرشەقامەکان، بوونەتە هۆکاری پشێوی نائارامی ناوخۆیی لە تورکیا.
دەشڵێت: مانگرتن تیرۆرکردنی ئابوریی نەتەوەییەو کودەتایە دژی ئابوریی سەربەخۆی وڵاتەکە و نابێت وڵات وەک ئامڕازی شەڕی تایبەت بەکاربێت.
Copyright © 2020 Kirkuk Tv All Rights Reserved Designed And Developed By AVESTA GROUP