رۆژی 2ی نیسانی هەموو ساڵێک بە رۆژی جیهانیی نەخۆشی ئۆتیزم لەلایەن رێکخراوی نەتەوە یەکگرتووەکانەوە دیاریکراوە.
نەخۆشیی ئۆتیزم لە تەمەنێکی کەمدا روودەدات بە بەشێوەیەکی گشتیی لە نێوان تەمەنی یەک بۆ سێ ساڵدایە، هۆکاری سەرەکیش بۆ روودانی له‌ئه‌نجامی تێكچوونی فه‌رمانه‌كانی مێشك و ده‌مارەوە دروستدەبێت.
کەمال جەباری سەرۆکی کۆمەڵەی ئۆتیزمی کوردستان رایگەیاند: ساڵ لە دوای ساڵ ژمارەی منداڵانی ئۆتیزم لە هەرێمی کوردستاندا زیاددەکات و ژمارەیەکی کەم سەنتەری راهێنانی منداڵانیی ئۆتیزم بوونی هەیە.
وتیشی: سێ هەزار و 900 حاڵەتی ئۆتیزم لە هەرێمی کوردستاندا بوونی هەیە، هەزار و 500 حاڵەت لە شاری هەولێر، 950 حاڵەت لە سلێمانی و هەڵەبجەن، 900 حاڵەتیش لە دهۆک تۆمارکراوە.
ئاماژەی بەوەشدا، لە سێ هەزار و 900 حاڵەتی ئۆتیزم، تەنها 11%یان هاوکاریی دارایی وەردەگرن کە بڕەکەی تەنها 150 هەزار دینارە.
Copyright © 2020 Kirkuk Tv All Rights Reserved Designed And Developed By AVESTA GROUP