سەعدی ئەحمەد پیرە: دوای پشووەکانی جەژن یەکێتی و پارتی کۆدەبنەوە

سەعدی ئەحمەد پیرە وتەبێژی ى.ن.ک رایگەیاند: بڕیارە دوای کۆتاییهاتنی پشووەکانی جەژنی رەمەزان هەردوو وەفدی یەکێتی و پارتی دەربارەی پرسی پێکهێنانی کابینەی نوێی حکومەتی هەرێمى کوردستان کۆببنەوە.

ئاماژەی بەوەشدا: تاوەکو ئێستا کاتی کۆبوونەوەی داهاتووی یەکێتی و پارتی دیارینەکراوە، بەڵام دوای کۆتاییهاتنی پشووی جەژنی رەمەزان کاتەکەی دیاریدەکرێت و کۆبوونەوەکە لەنێوان وەفدی هەردوولا ئەنجامدەدرێت.

ئەوەشی خستووەتەڕوو: ئەو کۆبوونەوانەی لەماوەکانی رابردوودا لە نێوان وەفدی هەردوو حزب ئەنجامدرابوون، توانیویانە بەشێکی زۆری کێشەکان چارەسەربکەن.