دكتۆر ئەحمەد كەركوكی سەرۆکی لیژنەی خزمەتگوزاریەکان لە ئەنجومەنی پارێزگای کەرکوک ، لە بڵاوكراوەیەكیدا سەبارەت بە نرخی ئەمپێری موەلیدە ئەهلییەكان ڕایدەگەیەنێت كە نرخی دیاریكراوی ئەم مانگە نرخی ئەمپێری 39 ڕۆژ پێش ئێستایە ، هەروەها دەشڵێت ئەو نرخە هی ئەو ڕۆژانەیە کە کارەبای نیشتیمانی و پێدانی بەشەگاز تێیدا کەم بوو.
هەروەها دكتۆر ئەحمەد لە بڵاوكراوەكەیدا بە هاووڵاتییان دەڵێت : دڵنیابن وەکوو چۆن بەڵێنم پێدابوون هەمیشە لەخزمەتی خەڵکی خۆمدا بم بەردەوام دەبم لە بەدواداچوون بۆ کێشەو گرفتەکانیان ، هەر لە بڵاوكراوەكەیدا ئەندامەكەی ئەنجومەنی پارێزگای كەركوك ڕونیكردەوە كە لە دوای کۆتا شەپۆلی بارانبارین بەهەوڵەکانی ئەوان بەشەگاز و بڕی کارەبای نیشتیمانی زیاد کراوە بۆیە بەهەمان شێوە بۆ هاوینی ئەمساڵ لەپەیوەندیدادەبن لەگەڵ بەغدا بۆ بەدەستهێنانی گاز و بڕی زیاتری کارەبای نیشتیمانی بۆ کەرکوک.
لەكۆتایی بڵاوكراوەكەیدا دكتۆر ئەحمەد كەركوكی دڵنیایی دەداتە هاووڵاتییانی پارێزگاكە و ڕایدەگەیەنێت : دڵنیاتان دەکەمەوە وەکوو چۆن پێشتر لەهەموو بوارەکاندا شەڕی مافەکانی ئێوەم کردووە وەکوو نوێنەری ئێوە تا دوا هەناسەم بەردەوام دەبم
Copyright © 2020 Kirkuk Tv All Rights Reserved Designed And Developed By AVESTA GROUP