یونیسێف: لەماوەی 10 ڕۆژدا لانیکەم 322 منداڵ لە کەرتی غەززە کوژراون

رێکخراوی منداڵانی نەتەوە یەکگرتوەکان (یونیسێف) بڵاویکردەوە، لە ماوەی 10 ڕۆژدا لانیکەم 322 منداڵ لە کەرتی غەززە کوژراون، ئەویش دوای دەستپێکردنەوەی بۆردومانەکانی ئیسرائیل و هەڵوەشاندنەوەی ئاگربەستەکە کە دوو مانگ بەردەوام بوو.
یونیسێف لە بەیاننامەیەکدا باسی له‌وەشكردوه‌، بەهۆی هەڵوەشاندنەوەی ئاگربەست و دەستپێکردنەوەی بۆردومانەکان لە کەرتی غەززە، لانیکەم 322 منداڵ کوژراون و 609ی دیکەش برینداربوون، واتا بە تێکڕا لەماوەی 10 ڕۆژی ڕابردودا ڕۆژانە زیاتر لە 100 منداڵ کوژراون یاخود بریندار و کەمئەندام بوون".
ئاماژەی بەوەشکردوە، زۆربەی ئەو منداڵانەی كه‌ كوژراون کەسانی ئاوارە بون کە پەنایان بۆ پەناگەکان بردبوو .
کاترین ڕوسیل، سەرۆکی یونیسێف لە بەیاننامەکەدا دەشڵێت، ئاگربەستەکەی نێوان ئیسرائیل و حه‌ماس تۆڕێکی سەلامەتی دابین دەکرد کە منداڵانی غەززە زۆر پێویستیان پێی بو، ئێستا منداڵان جارێکی دیکە لە سوڕێکی توندوتیژی و بێبەشی کوشندەدان.