محەمەد شیاع سودانی و مەسعود پزیشکیان بەبۆنەی جەژنی رەمەزانەوە پەیوەندیی تەلەفۆنییان ئەنجامدا

جیهان
14:09 - 2025-04-02

محەمەد شیاع سودانی سەرۆک وەزیرانی عیراق و مەسعود پزیشکیان، سەرۆککۆماری ئێران، بەبۆنەی جەژنی رەمەزانەوە، پەیوەندیی تەلەفۆنییان ئەنجامدا.

بەگوێرەی راگەیەندراوی نووسینگەی سەرۆکوەزیرانی عیراق، هەردوولا باسیان لە هەماهەنگی وڵاتانی ئیسلامی بۆ روبەڕوبوونەوەی ئاڵنگاری و مەترسییەکان کردووە بەجۆرێک ببێتە بەدیهێنانی ئاسایش و سەقامگیریی سەرجەم وڵاتە ئیسلامییەکان.

هاوکات سودانی لە پەیوەندییە تەلەفۆنییەکەدا هەڕەشەکانی سەر ئێرانی رەتکردووەتەوە و جەختیکردووەتەوە لە پاراستنی ئاسایش و سەقامگیری وڵاتەکە.

هاوکات سودانى و پزیشکیان باسیان لە گرنگی پتەوکردنی هەماهەنگی نێوانیان لە سەرجەم بوارەکاندا کردووە.

بەگوێرەی میدیای رەسمی ئێران، پزیشکیان لە پەیوەندییەکەدا سووربوونی وڵاتەکەی لەسەر جێبەجێکردنی رێککەوتنەکان لەگەڵ عیراق دووپاتکردووەتەوەو ڕایگەیاندووە: بەپتەوکردنی زیاتری پەیوەندیی برایەتی نێوان هەردوو وڵات و وڵاتانی دیکەی ئیسلامی و دراوسێ، دەتوانین پیلانی دوژمنان بۆ چاندنی دووبەرەکی لە ناوچەکە پووچەڵ بکەینەوە.


بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP