لە کەرکوک دەوامی فەرمانگەکان کەمکرایەوە

بە گوێرەی نووسراوێکی پارێزگاری کەرکوک، لە ئەمڕۆوە دەوامی فەرمانگەکان بەهۆی بەرزبوونەوەی پلەی گەرماوە، کەم دەکرێتەوە.

بە گوێرەی نووسراوەکەی رێبوار تەها، پارێزگاری کەرکوک، لە رۆژی 15ـی تەمموزەوە، لە سەرجەم فەرمانگە و یەکە کارگێڕییەکانی پارێزگای کەرکوک، دەوام لە کاتژمێر 07:30 بۆ کاتژمێر 01:30ـی نیوەڕۆ دەبێت.

ئەمە لەکاتێکدا تاوەکو دوێنێ  رۆژانە دەوامی ئاسایی لە کاتژمێر 08:00ـی بەیانی بۆ 02:30ـی نیوەڕۆ بووە، بەڵام لە مڕۆوە کەم دەبێتەوە".

بە گوێرەی کەشناسیی هەرێمی کوردستان، ئەمرۆ پلەی گەرما لە کەرکوک 46 پلەی سیلیزی دەبێت.