پارێزگاری کەرکوک: تا دوا بارهەڵگر گەنمی جوتیار وەردەگیرێت

لە پێناو بەرژەوەندی جوتیاران و وەرگرتنی بەرووبوومەکانیان لە گەنمی ئەمساڵ، رێبوار تەها پارێزگاری کەرکوک، لە پەیوەندییەکی تەلەفۆنیدا لەگەڵ دکتۆر حەیدەر گەرعاوی سەرۆکی لیژنەی ناوەندی بەبازاڕیکردن، رێکەوتن کە ئەو بەرووبوومەی ماوەتەوە ئەمڕۆ هەمووی جەرد بکرێت و لە رۆژانی داهاتوو وەربگیرێن تا دوا بارهەڵگر.

بۆیە پێویستە سەرجەم جوتیاران کە فۆرمی پەسەندکراویان هەیە لە لیژنەی لاوەکییەوە، ئەمڕۆ تا درەنگانی شەو، گەنمەکانیان باربکەن و روو لە سایلۆی کەرکوک بکەن، لە پێناو جەرد کردنیان و وەرگرتنی بەرهەمەکانیان.

دوای جەردکردنەکەش پرۆسەی وەرگرتنی گەنمی جوتیاران بەردەوام دەبێت، تا کۆتا بارهەڵگر.