سه‌رچاوه پزیشكییه‌كان ڕایانگه‌یاند، له به‌ره‌به‌یانی ئه‌مڕۆدا 63 فه‌ڵه‌ستینی به‌هۆی بۆردومانی فڕۆكه‌كانی ئیسرائیل بۆ سه‌ر چه‌ند ناوچه‌یه‌ك له كه‌رتی غه‌ززه كوژراون.
به‌هۆی هێرشی ئیسرائیل بۆ سه‌ر گروپێك له فه‌ڵه‌ستینیه‌كان له ناوه‌ندی شاری دێر به‌لح له ناوه‌ڕاستی كه‌رتی غه‌ززه زیانێکی زۆری هه‌بووه، هه‌روه‌ها زیانیش به زه‌وییه كشتوكاڵییه‌كان له باشوری ڕۆژئاوای ناوچه‌كه گه‌یشتوه.
بۆردومانه‌كه‌ی ئیسرائیل ده‌وریه‌یه‌كی پۆلیسیشی له نزیك مزگه‌وتی ئه‌نساڕ له ناوه‌ڕاستی دێر به‌لح كرده ئامانج و له ئه‌نجامدا زیانی گیانی لێكه‌وته‌وه.
بەپێی سه‌رچاوه پزیشكییه‌كان، ژماره‌ی كوژراوانی هێرشه ئاسمانییه‌كانی ئیسرائیل بۆ سه‌ر كه‌رتی غه‌ززه له له 7ی تشرینی یه‌كه‌می 2023ه‌وه تا ئه‌مڕۆ بۆ 50 هه‌زار و 423 كه‌س به‌رزبوه‌ته‌وه‌و ژماره‌ی برینداره‌كانیش گه‌یشتووه‌ته 114 هه‌زار و 638 كه‌س.
Copyright © 2020 Kirkuk Tv All Rights Reserved Designed And Developed By AVESTA GROUP