ده‌سته‌ی حه‌ج و عومره‌: عیراق له‌ خزمه‌تگوزاری گەشتی حەج پێشه‌نگی وڵاتانی عه‌ره‌بییه‌

ده‌سته‌ی حه‌ج و عومره‌ی عێراق داوای له‌ هاوڵاتیان كرد، هیچ حه‌جێكی بێ مۆڵه‌ت قبوڵ نه‌كه‌ن، چونکە عێراق پێشه‌نگه‌ له‌ بواری لۆجستی و خواردن و گه‌یاندن و گواستنه‌وه‌ و خزمه‌تگوزاری له‌نێو وڵاتانی عه‌ره‌بی و ئیسلامیدا.
ده‌سته‌ی حه‌ج و عومرەی عێراق‌ رایگه‌یاند، دوێنێ یه‌كه‌م كاروانی حاجییان له‌ فڕۆكه‌خانه‌ جیاجیاكانی عێراقه‌وه‌ به‌ره‌و شاری مه‌دینه‌ به‌ڕێكه‌وتبوون، له‌ چه‌ند رۆژی داهاتووشدا كاروانه‌كان له‌ فڕۆكه‌خانه‌كانی به‌غدا و نه‌جه‌ف و به‌سره‌ و كه‌ركوك و سلێمانی و هه‌ولێره‌وه‌ به‌ڕێده‌كه‌ون.
ئه‌وه‌شیخسته‌ڕوو، حه‌جی رەسمی له‌ رێگه‌ی ده‌سته‌ی حه‌ج و عومره‌ دەکرێت، داواشی له‌ هاوڵاتیان كرد، هیچ حه‌جێكی بێ مۆڵه‌ت وه‌رنه‌گرن و به‌بێ ڤیزه‌ی حه‌ج رێگه‌یان پێنادرێت بچنه‌ مه‌ككه‌ی پیرۆزه‌وه‌.
هه‌روه‌ها، داوای له‌و حاجییانیش كرد، پابه‌ندبن به‌ یاسا و رێساكانی وڵاتی میواندارەوە.
وتیشی، هه‌وڵ ده‌ده‌ن حاجی عێراقی نموونه‌ی پابه‌ندبوون به‌ رێنماییه‌كان بێت و سه‌رپێچی نه‌كات و خۆی بپارێزێت له‌ ئه‌نجامدانی هه‌ر كارێك ئارامی حه‌ج تێكبدات.