دانوستانەکانی ئێران لەبارەی پرسی بەرنامە ئەتۆمییەکان دەست پێدەکاتەوە

دانوستانی ئەتۆمی نێوان ئێران و سێ وڵاتی ئەورووپی "ئەڵمانیا، فەرەنسا و بەریتانیا" لە بارەی پرۆگرامی ئەتۆمی و هەڵگرتنی سزاکان بڕیارە دەستپێدەکاتەوە ئەم دانوستانانە لە ئاستی جێگرانی وەزیرانی دەرەوەی هەر چوار وڵاتدا ئەنجام دەدرێت.
لەوبارەیەوە، ئیسماعیل بەقایی، وتەبێژی وەزارەتی دەرەوەی ئێران ڕایگەیاند: دانوستانە ئەتۆمییەکانی ئێران و بەریتانیا و فەرەنسا و ئەڵمانیا، رۆژی هەینی لە ئیستەنبووڵ بەڕێوەدەچێت و لەسەر ئاستی جێگرانی وەزیری دەرەوەی هەر چوار وڵات.
بەشی سەرەکی گفتوگۆکان بریتیین لە چارەسەری دیپلۆماسی پرسی ئەتۆمی ئێران و ڕێگری لە پەرەسەندنی گرژییەکان لە ناوچەکە.
ئەم هەواڵە دوای ئەوە ڕاگەیێنرا کە وەزیرانی دەرەوەی وڵاتانی ئەوروپا و بەرپرسی سیاسەتی دەرەوەی یەکێتی ئەوروپا یەکەم پەیوەندییان لەگەڵ عەباس عێراقچی، وەزیری دەرەوە ئەنجامدا لەدوای هێرشەکانی ئەمەریکا و ئیسرائیل بۆ سەر دامەزراوە ئەتۆمییەکانی کۆماری ئیسلامی ئێران.