کاریگەریی پۆستی پارێزگار لەسەر هاوڵاتیانی شاری کرکوک

وەک هەر تاکێکی شاری کرکوک بۆ ڕایی کردنی کاروبارەکانمان ئەمڕۆ سەردانی فەرمانگەیەکی حکومیمان کرد، بەڵام ئەمڕۆ جیاواز بوو،هەرچەندە کەش و هەوا تاقەت پڕوکێن بوو، بەڵام سەرباری ئەوەی کەشەکە گەرم بوو بەڵام هەستمان بە کەشێکی ئارام و سەقامگیر و ئازادی دەکرد. 
بەو پێیەی له ڕابردوو هاوڵاتیانی شاری کرکوک، ڕووبەڕووی ئاستەنگی ئیداری و فشار و بەربەست دروستکردن و گرفتی تەکنیکی و بیانوی ناقانونی بەرۆکی تاکی ئەو شارەی گرتبۆیەوە.
لە لایەکی ترەوە تاکی کورد ئاسوده نەبوو له دام و دەزگاکانی حکومەتی خۆجێی کرکوک، بەو پێیەیی لە ڕابردوو پارێزگارێکی سەپێنراو کاروباری شاری کرکوکی بەڕێوەدەبرد، بەجۆرێک لەجۆرەکان جیاوازی نا یەکسانی لە نێو پێکهاتەکان بەدی دەکرا.
بەشێک لە پێکهاتەکان هەستیان بە پەراوێزخستن دەکرد بە تایبەتی تاکی کورد  هەستی دەکرد، هاوڵاتی عێراقی نین و پەراوێزخراون، بە جۆرێک ئەم سیاسەتە له نێوفەرمانگاکان  کاریگەریی نەرێنی  لەسەر تاکی ئەم شاره دروست کردبوو..
بەڵام دوای 7 ساڵ و گەڕانەوەی ماف بۆ خاوەن ماف.
کاتێک  سەردانی فەرمانگەیەکی حکومیمان کرد ئەمڕۆ  جیاوازتر له ڕۆژانی پێشووتر هەستێکی تایبەت و دوور له فشاری دەروونی و  پاڵەپەستۆ و بەبێ بوونی گرفت مامەڵەکانمان بۆ ڕایی کرا. 
ئەوەی جێگای تێڕامان بوو، ئەمڕۆ لە فەرمانگە حکومیەکان هەستمان پێ کرد، نەبوونی ڕۆتین و کاریگەریی بڕیارەکانی  پارێزگار لەسەر فەرمانبەرەکانی فەرمانگەکان دیاربوو، مامەڵەکان بە شێوەیەکی دروست ڕێڕەویی یاسایی خۆی بەڕێوەدەچوو وە خزم و خزمێنەو خزمی فڵان کاکو سەیارەی جام ڕەش و ئەو جۆرە ئەحتیوارانە بوونی نەبوو.
 بەکورتی  جیاوازی لە نێوان پێکهاتەکان نەبوو،هەر کەسەو بەپێی مامەڵەکەی خۆیی کارەکانی بۆ ڕایی دەکرا.
بەجۆرێک لەجۆرەکان هەستت دەکرد ئێستا فەرمانگە حکومیەکانی شاری کرکوک بۆ هەمووان یەکسانە بەبێ جیاوازی..