رۆژی جیهانی ژنان ، خەباتی مەدەنی

دونیا غەفار
11:37 - 2025-03-08

هەموو ساڵێک لەگەڵ هاتنی مانگی ئازار دەست بەجێ بیرمان بۆلای 8 مارس دەروات کەدەکاتە ڕۆژی جیهانی ژنان.

لەم هەرێمەی ئێمەدا ژنان دەور و ڕۆڵێکی سەرەکی دەبینن لە خزمەت کردنی سەرجەم سێکتەرەکانی ژیان، بەتایبەتیش لە پۆستە حکومییەکان.

من لەم ڕۆژەدا دەڵێم پیرۆزبێت ڕۆژی جیهانی ژنان بەتایبەت ژنانی هەرێمی کوردستان چونکە زۆر ماندوون ، زۆریش خزمەت دەکەن و جێ دەستیشیان دیار بووە.

لەم چەند ساڵەی دوایدا ژنان پلەی زۆر باشیان وەرگرتووە لەناو حزب و حکومەتدا توانیویانە ئەرکەکان زۆر بەباشی تێپەڕێنن، ئەمەش دەرخەری ئەوەیە چیتر نابێت ژنان لەمالەکانیان قەتیس بکرێن دەبێت ئازاد بن لە بیرو باور ولە بڕیاردان لەسەر ژیانی خۆیان و دەبێت خۆیان خاوەن بڕیار بن.

هەرێمی کوردستان بەدەر نییە لەوەی کە ساڵانە دەیان کەیسی توندو تیژی بەرامبەر بەژنان تۆمار دەکرێت ، بەشێکیان تەنها لەنێوان خێزانەکان دەمێنێتەوە بەشەکەی تریشیان لە دادگاکان یەکلای دەکرێنەوە ، بەڵام بەداخەوە زۆرینەی کات لە کەیسەکاندا ژنان خۆیان دەبن بەقوربانی ، وەک پێویست هاوکاری ناکرێن، هەروەها تا دێت توندو تیژیەکان بەرامبەر بەژنان زیاد دەبێت ، ڕێگرییەکانیش وەک پێویست نین بۆیە دەبێت ، هەموو جۆرە ڕێکارێک بگیرێتەبەر تا حاڵەتەکانی توندو تیژی بەرامبەر بەژنان کەم بکرێنەوە، یاساش پاڵپشتیان بکات، ئەو کەسانەشی کە تۆمەتبارن دەبێت بەسزای یاسایی خۆیان بگەیەندرێت.

لەکۆتایشدا ئومێد دەکەم ژنان خۆیان بتوانن خاوەن بڕیار بن، زیاتر کاریش بکەن تا خزمەتی هەرێمی کوردستان بکەن، جێ دەستی خۆیان بکەنەوە.

Copyright © 2020 Kirkuk Tv All Rights Reserved Designed And Developed By AVESTA GROUP