باوکانی هەڵەبجە هێشتا ڕۆڵەڕۆیانە..

دونیا غەفار
20:07 - 2025-03-15

باوکانی هەڵەبجە هێشتا ڕۆڵەڕۆیانە..


دونیا غەفار


37 ساڵە دایکانی هەڵەبجە ڕەشیان پۆشیوە، منداڵانی هەڵەبجە بێنازن ، باوکان ڕۆڵە ڕۆیانە، خوشکان برا ڕۆیانە، براکان خوشکە ڕۆیانە، هەرگیزاو هەرگیز لەبیر ناکرێت .


ئەمڕۆ 37 ساڵ بەسەر تاوان وکارەساتی هەڵەبجە تێپەر دەبێت، لە ڕۆژێکی وەک ئەمڕۆ لەلایەن حکومەتی بەعسەوە لە ساڵی 1988 هەڵەبجە کیمیاباران کرا، زیاتر لە 5000 کەس شەهید بوون ، بەهەزارانی تریش بریندار بوون ئێستاش بەشێک لەو بریندارانە  بەدەست ئازارەوە دەناڵێنن، لەو کاتەوە خەڵکی هەڵەبجە زۆر بێناز بوون، وەک پێویست ئاوڕیان لێ نەدراوەتەوە، بەتایبەت لەلای حکومەتی عێراقەوە.

دوای 37 ساڵ بەسەر ئەوکارەساتە خەڵکی هەڵەبجە فرمێسک تەنگی بەچاوەکانیان هەڵچنیوە ئەو ڕۆژەیان بیردێتەوە کە چۆن منداڵ و کەسوکاریان گیانیان دەرچووە ، یان چۆن ماڵوێران بوون ئاوارەی ووڵاتی ئێران بوون.

چیرۆکی هەڵەبجە زۆڕ قورسە هەتا باسبکرێت کۆتایی نایەت بەڵام دەبێت کاربکرێت بۆ ئەوەی لەلایەن حکومەتی هەرێمی کوردستانە خزمەتی زیاتری ئەو شارە بکرێت، وەبەرهێنەرەکانیش خزمەتی هەڵەبجە بکەن.

لەسەر حکومەتی عێراقیش واجبە هەڵەبجە بکاتە 19 هەمین پارێزگای عێراق و هەروەها قەرەبووی خەڵکی بەشمەینەتی ئەو شارە بکاتەوە، سەرجەم فراکسیۆنە کوردییەکان لە ئەنجومەنی نوێنەرانی عێراق دەبێت ئەوانیش یەک هەڵوێست و یەک دەنگ بن تا لەئەنومەنی نوێنەرانی عێراق دەنگی زۆرینەی ئەندامان بەدەست بهێنرێت و هەڵەبجە بکرێتە پارێزگا.

Copyright © 2020 Kirkuk Tv All Rights Reserved Designed And Developed By AVESTA GROUP