ئیتاڵیا ــ بارانی به‌خوڕو لافاو گیان له‌ده‌ستدانی 10 كه‌سی لێده‌كه‌وێته‌وه‌

جیهان
09:31 - 2022-09-17


بەپێی ئه‌و زانیارییانه‌ی لایه‌نه‌ په‌یوه‌ندیداره‌ حكومییه‌ ناوخۆییه‌كان بڵاویانكردووه‌ته‌وه‌، بارانبارینی بەخوڕ و لافاو لە ناوچه‌كانی ناوەڕاستی ئیتاڵیا، گیانلەدەستدانی لانیکەم 10 کەس و بێ‌ سه‌روشوێنكردنی چه‌ندین کەسی دیکەی لێكه‌وتووه‌ته‌وه‌. 

به‌پێی ئه‌و راپۆرتانه‌ی كه‌ میدیاكانی ئیتاڵیا بڵاویانكردووه‌تەوە، تیمەكانی به‌هاناوه‌چوون، هه‌ڵمه‌ته‌كانی گەڕان و به‌دواداچوونیان بەدوای رزگاربوواندا چڕكردووه‌ته‌وه‌ لەو ناوچانه‌ی كه‌ لافاویان تێدا روویداوه‌، هه‌روه‌ها له‌و شه‌قامانه‌ی كه‌ دارودره‌خته‌كان با و زریان خستوونیه‌تنه‌خواره‌وه‌و شكاندونی و باراناوو گۆماو تێیاندا بووونه‌ته‌ مه‌ترسیی بۆسه‌ر ژیانی هاووڵاتییان. 

هاوكات  دەسەڵاتدارانی ناوخۆش داوا لە هاوڵاتیان ده‌كه‌ن "لە ماڵەکانیان نەچنە دەرەوە و لە نهۆمەکانی سەرەوەی خانووەکانیاندا بمێننەوە".

لە کۆنگرەیەکی رۆژنامەوانیشدا، ماریۆ دراغی، سەرۆک وەزیرانی ئه‌و وڵاته‌ رایگەیاند، "تائێستا 10 كه‌س گیانیان له‌ده‌ستداوه‌و چواری دیكه‌ش بێسەروشوێنن و ژماره‌كان بەردەوام لە زیادبووندان".

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP