عه‌لی خامنه‌یی: ئه‌مریكاو خۆرئاوا هانی سه‌دامیان دا بۆ جه‌نگ دژ به‌ ئێران

سەید عەلی خامنەیی، ڕێبەری باڵای شۆڕشی ئیسلامی ئێران، دووپاتیکردەوە، ئێران گەیشتووەتە قۆناغی به‌رپه‌رچدانه‌وه‌و باڵادەستیی سەربازیی.
 هاوکات ئاماژەی بۆئەوەشكرد، ئەمریکا و وڵاتانی خۆرئاوا هانی سەدام حسێن، سەرۆکی رژێمی پێشووی عێراقیان دا بۆ شەڕ دژی ئێران.

ڕێبەری باڵای شۆڕشی ئیسلامی ئێران ئه‌مڕۆ 21-9-2022 له‌ میانی پێشوازیكردنیدا له‌ ئه‌فسه‌رو فه‌رمانده‌ باڵا دێرینكانی سوپای وڵاته‌كه‌ی له‌ سەردەمی (بەرگریی پیرۆز) لە حوسێنییەی ئیمام خومەینی رایگەیاند، گەلی ئێران لە ئەمریکا نەترسا و ئەوەش لەلایەن وڵاتانی رۆژئاواوە قبوڵکراو نەبوو.

ئاماژه‌ی بۆئه‌وه‌شكردوه‌، ھێزە سەربازییەکان و سیاسەتمەدارانیان پلانی نوێی خۆرھەڵاتی ناوەڕاستیان شکستپێھێنا و ئێران لە قۆناغی روبەڕوبوونەوە بەردەوام بوو.

وتیشی، گەلی ئێران لە ئەمریکا و پلانە تاکلایەنەکانی نەترسا و ھەموو ئامانجەکانیان شکستپێھێنا، ئەوەش لەلایەن وڵاتانی رۆژئاواوە قبوڵکراو نەبوو. 

وتیشی، وڵاتانی دوژمن ھەوڵیاندا لەدوای شۆڕشەوە فتنەی زۆر دروستبکەن، بەڵام شکستیانھێنا و پەنایان بردە بەر جەنگ لەڕێی عێراقەوە. 

" باسیلەوەشکرد، جەنگی ئەوان جەنگێکی نێودەوڵەتی بووە و ئێستاش بەڵگەنامەکان ئەوە دەسەلمێنن.