دەسپێكی رۆنالدۆ لەگەڵ یانەكاندا شكست بووە جگە لە مێرەنگی

دەسپێكی رۆنالدۆ لەگەڵ یانەكاندا شكست بووە جگە لە مێرەنگی 
ئاكۆ بیبانی 
دەركەوتنەكانی سەرەتای كریستیانۆ رۆناڵدۆی پرتوگالی لەگەڵ ئەو یانانەی یاری بۆكردوون جیاوازبوون ، لەسەرجەم ئەو یانانەی دۆن درێسی پۆشیون لەسەرەتادا سەركەوتوو نەبووەو نەیتوانیوە گۆڵ تۆماربكات تەنها لە دوو حاڵەتدا نەبێت  ، ئەویش كاتێك ڕویكردە ریزەكانی یانەی ڕیاڵ مەدریدی ئیسپانی و لە یەكەم یاری خۆیدا بەدرێسی مێرەنگییەوە ، دۆن بەرامبەر بە دیپۆرتیفۆ لاكەرۆنیا بەتەواوی درەوشایەوەو لە رێگای لێدانی پەناڵتیەوە گۆڵی تۆماركرد، دواتر لە گەڵ یانە مەدریدیەكە مێژووی نوسیییەوەو موعجیزەی بۆ شاهانە خولقاند و بووە خاوەنی 5 بالۆن دۆر  ، ئەزموونی دووەمی لەگەڵ یانەی مانیۆ بووە كاتێك لە یۆڤییەوە دووبارە گەڕایەوە بۆ شەیتانە سورەكان لەیەكەم دەركەوتنەوەی بەدرێسی مانێۆ ، دۆنی پرتوگالی بەرامبەر بە یانەی نیوكاسل یونایتد دوو گۆڵی تۆماركرد ئەمەش بە تەواوی هاندەرانی یانە سورپۆشەكەی دڵخۆشكرد كە گۆڵكارە مێژوویەكەی لەسەر رێگای راستی گۆڵ تۆماركردنەوە و یانەكە دەگەیەنێتە كەناری ئارام ، گەر باسی ئەزموونەكانی دیكەی دۆن بكەین ، ئەوا لە ریزەكانی یانەی سپۆرتینگ لیشبۆنە كریستیانۆ رۆناڵدۆ پێویستی بە 5 هەفتە هەبوو تاكو دەرگای گۆڵ تۆماركردنی بۆ واڵا بكرێت و لەو یانەیەوە بەرەو پیشەگەر بوون هەنگاو بنێت ، هەرچی یانەی یۆڤانتۆسی ئیتاڵیش بوو لە دوای سێ هەفتە دۆن بەتەواوی لەگەڵ تیمەكەی خۆی گونجان و موشەكەكەی مادێرا بووە وێرانكەری یانەكانی خولی ئیتاڵیا و لەهەفەی چوارەمدا سریتی گۆڵ تۆماركردنی بڕی ، لەیەكەم ئەزمونیشدا لەگەڵ یانەی مانچستەر یونایتد ڕەشەباكەی تۆرنادۆ پێویستی بە 11 هەفتە بوو تاكو ببێت بە قەناس و مەكینەی تۆماركردنی گۆڵ ، دەسپێكی نوێی  رۆناڵدۆ لە ریزەكانی یانەی نەسری سعودی ترس و دڵەڕاوكێی دروست كردوە ، دۆن دوای سێ یاری تەنها یەك گۆڵی بەخشییوە بە یانەكەی ئەیش لە رێگای لێدانی سزاوە بووە .