بە تۆمەتی گەندەڵییەکانی لە كاتی هەڵمەتەکانی هەڵبژاردنی سەرۆکایەتیی ساڵی 2020 ، دادگا داوا له دۆناڵد ترەمپ سەرۆکی پێشووی ئەمریکا ده‌كات له ماوه‌ی 10 رۆژدا خۆی راده‌ست بكات، ئەگەرنا "پەلکێشی دادگا دەکرێت".
ئاژانسی هه‌واڵی فرانس پرێس بڵاویكرده‌وه:" دەستەی باڵای دادوەران لە شاری ئەتڵەنتا، پایتەختی ویلایەتی جۆرجیا، ترەمپ و 18 لێپرسراوی باڵای دیکەی تۆمەتبار کردووه بە هەوڵی هەڵوەشاندنەوەی ئەنجامی هەڵبژاردنی سەرۆکایەتی ساڵی 2020 لەو ویلایەتەو هه‌روه‌ها فشارخستنە سەر بەرپرسانی هەڵبژاردنەکە، ئەمەش چوارەم تۆمەته كه ئاراسته‌ی تره‌مپ ده‌كرێت کە رایگه‌یاندووه لە ساڵی 2024دا خۆی بۆ سەرۆكی وڵاته‌كه کاندید ده‌کات.
هه‌ر لەو بارەیەوە، رۆژنامەی (واشنتن پۆست)ش ئاشكرایكردووه " دوێنێ، دۆناڵد تره‌مپ بە 13 تۆمەتی نوێ تۆمەتبار کراوه، لەوانە بەرتیلدان بە ئەفسەرێکی گشتیی بۆ پێشێلکردنی سوێندەکەی، پیلانگێڕیی بۆ دەنگدانی ساختە لە بری بەرپرسێکی گشتیی دیاریکراو، پیلانگێڕیی بۆ ئەنجامدانی ساختەکاریی لە پلەی یەکەم و پێشکەشکردنی بەڵگەنامەی ساختە".
Copyright © 2020 Kirkuk Tv All Rights Reserved Designed And Developed By AVESTA GROUP