چابی ئەڵۆنسۆ: بڕوای تەواوەتیمان بەو بیرۆكە و ستایلە هەیە كە لەناو یاریگادا پەیڕەوی دەكەین

لە چاوپێكەوتنێكی رۆژنامەوانیدا، چابی ئەڵۆنسۆی ڕاهێنەری یانەی بایەر لیڤەركوزن پێشبینی كردنی بەدەستهێنانی نازناوی ئەم وەرزەی بۆندسلیگا لە لایەن یانەكەیەوە بە زوو دەزانێت، چابی ئەڵۆنسۆی ڕاهێنەر وتی: بڕوای تەواوەتیمان بەو بیرۆكە و ستایلە هەیە كە لەناو یاریگادا پەیڕەوی دەكەین، پەیوەندیمان بە هیچ شتێكی دیكەوە نییە كە دەگوزەرێت، بەڵكو پەیوەندی ئێمە تەنها لەگەڵ یاریزانەكانماندایە، كە لەگەڵ پلان و بیرۆكەكانماندا بیان گونجێنین، ڕاهێنەرە تەمەن 41 ساڵانەكە ئەوەشی وت: ڕكابەری ئێمە لەگەڵ یانەی بایرن میونشندا نییە، بەڵكو پەیوەندی بەوەوە هەیە كە تاكوێ‌ دەتوانین بەردەوام بین، پێم وایە هێشتا زوە پێشبینی ئەوە بكرێت كە نازناوی ئەم وەرزەی بۆندسلیگا بەدەست دەهێنین.
********