ژماره‌ی ئاواره‌كانی كه‌رتی غه‌ززه‌ له‌ دوو ملیۆن نزیك ده‌بێته‌وه‌

ئاژانسی به‌هاناوه‌چوون و خستنه‌سه‌ركاری په‌نابه‌ره‌ فه‌له‌ستینییه‌كان "ئۆنروا" ڕایگه‌یاند، ژماره‌ی ئاواره‌كانی كه‌رتی غه‌ززه‌ له‌سه‌ره‌تای ده‌ستپێكردنی بۆردومانه‌كانی ئیسرائیله‌وه‌ تا ئێستا گه‌یشتووه‌ته‌ یه‌ك ملیۆن و ٩٠٠ هه‌زار كه‌س، به‌و شێوه‌یه‌ش رێژه‌ی له‌ سه‌دا ٨٥ ی دانیشتوانی كه‌رته‌كه‌ ئاواره‌بوون.
ئاماژه‌ی به‌وه‌شكردووه‌، نزیكه‌ی یه‌ك ملیۆن و ٤٠٠ هه‌زار ئاواره‌ له‌ ١٥٥ دامه‌زراوه‌ی سه‌ر به‌ نه‌ته‌وه‌یه‌كگرتوه‌كاندا ده‌ژین. 
ئاژانسی ئۆنروا ئاشكراشیكردووه‌، تا ئێستا ١٤٦ كارمه‌ندی نه‌ته‌وه‌یه‌كگرتوه‌كان له‌ غه‌ززه‌ كوژراون.