كۆمپانیای دانهغاز رایدهگهیهنێت: "بهشێوهی
كاتی بهرههمهێنانیان له كێڵگهی غازی كۆرمۆر راگرتووه و گۆڕانكارییان لهشێوازی
بهڕێوهبردنی كارهكانیان كردووه" و هۆكاری راگرتنهكهشی بۆ " سهلامهتی
و تهندروستی كارمهند و كرێكارانی كۆمپانیاكه دهگهڕێتهوه".
لههێرشه درۆنییهكهی 26/4 دا كه كرایه سهر
كێڵگهی غازی كۆرمۆر لهسنووری پارێزگای سلێمانی 4 كارمهند كوژران كه خهڵكی یهمهن
بوون و 8 كهسی تریش بریندارن.
رێوشوێنهكانی كاركردن گۆڕاوە
ئهمڕۆ 29/4 كۆمپانیای دانهغاز لهدوای سێ رۆژ
له هێرشه درۆنیهكه لهراگهیهندراوێكدا ئاشكرایدهكات كه "ئێوارهی رۆژی
26ـی ئهم مانگه كۆگایهكی گازی كۆندێنسهیت له رێگهی هێرشێكی تیرۆرستی درۆنییهوه
كرایه ئامانج و لهئهنجامی ئهو هێرشه تیراژیدییهدا چوار له كارمهندان گیانیانلهدهستداو
ههشتی دیكهش بهسووكی بریندار بوون، كه
سهرقاڵی كاری چاككردنهوهی كۆگهكه بوون".
دانه گاز له راگهیهندراوهكهیدا دهڵێت:
"سهلامهتی و تهندروستی كارمهندو بهڵێندهران لهلای كۆمپانیای دانهگاز
گرنگترینن، ههرچهنده زیانی كهم بهدامهزراوهو كهرهستهكان كهوتوون، بهڵام
بهرههمهێنانمان بهشێوازی كاتی راگرتووهو رێوشوێنهكانی كاركردنمان گۆڕیوه."
وێرای كاردانهوه ناوخۆیی و نێودهوڵهتییهكان
لهسهر پهلامارهكه كه تێكڕا داوای "لێكۆڵینهوهی خێراو بهسزا گهیاندنی
ئهنجامدهرانی دهكهن"، لهلایهن حكومهتی عیراق و ههرێمیشهوه لیژنهی
لێكۆڵینهوه پێكهێنراوهو نوێترین زانیاریش لهزاری سهركوهزیرانی عیراقهوه ئهوهبوو
كه "سهرهداویان دهستكهوتووه"بهبێ ئهوهی هیچ زانیارییهكی دیكه
ئاشكرا بكات.
بهگوێرهی راگهیهندراوهكهی دانهغاز:
"لهگهڵ حكومهتی ههرێمی كوردستان و حكومهتی عیراق له بهرزترین ئاستدا
لهدانوستاندان بۆ یارمهتیدانیان لهجێبهجێكردنی بهرپرسارییهتییهكهیان بۆ ئهوهی
بكهرانی ئهو كردهوه تیرۆرستییه بهسزای خۆیان بگهیهنن."
"لهگهڵ دهسهڵاتدارانی حكومهت له پهیوهندیدان بۆ ئهوهی رێوشوێنه
ئهمنییهكان توندوتۆڵ بكهن بۆ ئهوهی دواجار بهرههمهێنانی غاز له كێڵگهی كۆرمۆر
دهستپێبكاتهوه، ههروهها خاوهن پشكهكانمان چاومان لهوهیه ههركاتێك ئهنجامدانی
كارهكانمان سهلامهت بوو، دهست به بهرههمهێنانی گاز له كێڵگهی كۆرمۆر بكهینهوه"،
دانهغاز له راگهیهندراوهكهدا وادهڵێت.
ئیدانەی هێرشەکە
دەکرێت
هێرشه درۆنیهكهی سهر كێڵگهی كۆرمۆر له
سنووری چهمچهماڵ، كاردانهوهی نێودهوڵهتی و دیپلۆماسیی لێدهكهوێتهوه و ههریهك
له وهزارهتی دهرهوهی ئهمریكا و باڵیۆزخانهی ئهمریكا بهجیا و نێردهی نهتهوهیهكگرتووهكان
بهتوندی ئیدانهی دهكهن و داوادهكهن:"لێكۆڵینهوه بكرێت وتاوانباران بهسزا
بگهیهندرێن".
دوو وهفدی ههرێم و عیراق بۆ لێكۆڵینهوه و
ههڵسهنگاندن له زیانهكانی كردهوه تیرۆرستیهكهی سهر كێڵگهی غازی كۆرمۆر
سهردانی كێڵگهكه دهكهن و قائیمقامی چهمچهماڵیش دهڵێت: "تائێستا هیچ
لایهنێك بهرپرسیارێتی خۆی له ئهنجامدانی ئهو كردهوهیه لهئهستۆنهگرتوهو
لێكۆڵینهوهكانیش بهردهوامن".
لێکۆڵینەوە لە هێڕشەکە دەکرێت
لهسهر ئاستی ناوخۆش وهفدی ههرێمی كوردستان
و عیراق سهردانی كێڵگهكه دهكهن و لێكۆڵینهوه له رووداوهكه دهستپێدهكهن
لهو بارهیهشهوه رهمهك رهمهزان قائیمقامی قهزای چهمچهماڵ له لێدوانێكدا
بۆ وێبسایتی رهسمی یهكێتیی نیشتمانیی كوردستان PUKMEDIA راگهیاندووه: "وهفدێكی هاوبهشی ههردوو وهزارهتی سامانه
سروشتییهكان و كارهبای حكومهتی ههرێم سهردانی شوێنی رووداوهكه دهكهن و
راپۆرتی خۆیان ئامادده دهكهن، هاوكات بڕیاریشه وهفدێكی حكومهتی عیراق لهسهر
ههمان بابهت سهردانی كێڵگهكه بكهن".
"مهبهست له هاتنی وهفدهكهی حكومهتی ههرێم دڵنیایدانهوهیه
به كارمهندان و كۆمپانیاكانی كێڵگهكه و هاوكات بڕیاردهدهن تا چ ئاستێك بهرههمهێنانی
غاز رابگیرێت و كهی بهرههمهێنان دهستپێبكاتهوه"، رهمهك رهمهزان وای
وت.
كێڵگهی كۆرمۆر كه لهساڵی 2007ـەوه لهسنووری
شارەدێی قادر كهرهم دامهزراوه و كۆمپانیای دانهغاز بهرههمهێنانی تێدا دهكات،
به پێدانی غاز به وێستگهكانی كارهبای چهمچهماڵ و ههولێر 67%ی كارهبای ههرێمی
كوردستان دابیندهكات.
Copyright © 2020 Kirkuk Tv All Rights Reserved Designed And Developed By AVESTA GROUP