پارێزگاری کەرکوک سەردانی ناوەندەکانی تاقیکردنەوە لە زانکۆی کەرکوک دەكات

رێبوار تەها پارێزگاری کەرکوک، سەردانی ناوەندەکانی تاقیکردنەوە گشتییەكانی کرد لە زانکۆی کەرکوک.

لەو سەردانەدا کە پەروین فاتح سەرۆکی لیژنەی پەروەردە لە ئەنجومەنی پارێزگا و نوێنەری وەزیری پەروەردە و بەڕێوەبەر و یاریدەدەری بەڕێوەبەرایەتی پەروەردەی کەرکوک ئامادەیبوون، پارێزگار لە چۆنيەتی بەڕێوەچوونی تاقیکردنەوەکانی وزاری پۆلی شەشی ئامادەیی خوێندنی کوردی و عەرەبی و تورکمانی کۆڵیەوە.

هاوکات ستایشی رۆڵی دامەزراوەی پەروەردەیی و لیژنە تایبەتمەندەکان و پسپۆڕانی کرد و هیوای سەرکەوتنی بۆ خوێندکاران و قوتابیان خواست. 

لایەنە پەیوەندیدارەکانیشی راسپارد، لە پێویستی دابینکردنی کارەبای بەردەوام و هەموو خزمەتگوزارییەکان بۆ هەموو ناوەندەکان و رەخساندنی کەشێکی گونجاو بۆ ئەنجامدانی تاقیکردنەوەکان.