سەرۆک بافڵ جەلال تاڵەبانی بەبۆنەی بەستنی هەشتەمین کۆنگرەی پارتی سۆسیال دیموکراتی کوردستان پەیامێکی پیرۆزبایی ئاڕاستەی محەمەد حاجی مەحمود سەرۆکی پارتی سۆسیال دیموکراتی کوردستان دەکات و ڕایگەیاند: بەبۆنەی هەڵبژاردنەوەی بەڕێزتان وەك سەرۆكی پارتی سۆسیال دیموکراتی کوردستان و بەستنی هەشتەمین کۆنگرەی پارتە شۆڕشگێرەکەتانەوە، پیرۆزباییەكی گەرمتان لێدەكەم و هیوادارم راسپاردەكانی كۆنگرە و بڕیارەكانتان لەخزمەت گەشەپێدانی كوردستان و دەستەبەركردنی ژیانی شایستە بۆ هاونیشتمانییان و حوكمڕانییەكی تەندروستدا بێت.
هاوکات سەرۆک بافڵ جەلال تاڵەبانی ئاماژەی بەوەشکردووە:: لەم دەرفەتەدا جەخت لە پتەوكردن و پەرەپێدانی پەیوەندییەكانی نێوان یەكێتیی نیشتمانیی كوردستان و پارتی سۆسیال دیموكرات دەكەمەوە لەپێناو هاریكاری و هەماهەنگیی زیاتر بۆ بەدیهێنانی مافەكانی گەلەكەمان.
Copyright © 2020 Kirkuk Tv All Rights Reserved Designed And Developed By AVESTA GROUP