جەعفەر شێخ مستەفا: ھەموومان ئەرکێکی قورسمان لەئەستۆدایە کە خۆی لە پاراستنی دەستکەوتەکاندا دەبینێت

جەعفەر شێخ مستەفا، لێپرسراوی ئەنجومەنی پاراستنی بەرژەوەندییە باڵاکانی ی.ن.ک، لە بارەگای ئەنجومەن، پێشوازی کرد لە لیوا روکن رزگار جەبار محەمەد، فەرماندەی فەرماندەیی پێشمەرگەی بەرگری و فریاکەوتن و ژمارەیەک لە ئەفسەرانی باڵای فەرماندەییەکە.

لە دیدارێکدا، فەرماندەی فەرماندەیی پێشمەرگەی بەرگری و فریاکەوتن، کورتە باسێکی لە کارو چالاکییەکانی فەرماندەییەکەیان پێشکەش کرد لەبواری رێکخستنەوە و پەرەپێدانی تواناکانی ھێزی پێشمەرگەدا.

لەبەرانبەردا، لێپرسراوی ئەنجومەنی پاراستنی بەرژەوەندییە باڵاکان، باسی لەوەکرد: کە ھەموومان ئەرکێکی قورسمان لەئەستۆدایە کە خۆی لەبەرگریکردن لە دەستکەوتەکانی راپەڕین و پاراستن خەڵک و حکومەتی ھەرێمدا دەبینێتەوە.

هەروەها، ئاماژەی بە رۆڵی بەرچاوی ھێزەکانی بەرگری و فریاکەوتن و خوودی لیوا روکن رزگار جەبار کرد لە داستانەکانی بەرگری لە حکومەتی ھەرێمی، لەنێویشاندا داستانەکانی بەرەنگاربوونەوەی تیرۆریستانی داعش، کە زۆرجار ئەو و شەھید شێرکۆ فاتیح بەژمارەیەکی کەم لە پێشمەرگەکانیانەوە سەرکەوتنی گەورەیان تۆمارکردووە.