قوباد تاڵهبانی، جێگری سەرپەرشتیاری مەکتەبی سکرتاریەتی سەرۆک مام جەلال له ساڵرۆژی ههڵبژاردنی سهرۆك مام جهلال وەک یەكەم سەرۆك كۆماری كورد لە عێراق پهیامێكی بڵاوكردهوهو رایگهیاندووه:" هەموان شایەتی دەدەن کە مام جهلال لەماوەی سەرۆکایەتییەکەیدا بەبێ جیاوازیی، پارێزەری مافی هەمو پێکهاتەکان و مافی هەمو هاوڵاتییان بو، خەمخۆری هەموان و کۆکەرەوەی لایەنە ناکۆکەکان بو"
قوباد تاڵهبانی له پهیامهكهیدا كه له ئهژماری خۆی له سۆشیال میدیا بڵاویكردووهتهوهو پهیامێكی ڤیدیۆیی سهرۆك مام جهلالی لهگهڵدا هاوپێچ كردووه ئاماژهی بۆئهوهكردووه: "19 ساڵ لەمەوبەر بۆ یەکەمجار لە عێراقدا سەرۆکێک دەستبەکاربو کە کۆدەنگی هەمو لایەنە سیاسییەکان و هەمو پێکهاتەکانی عێراقی لەسەر بو و ئەزمونی زیاتر لە نیو سەدە خەباتی هەبو لەپێناو ئازادی و دیموکراسی و دادپەروەری و دابینکردنی مافە نەتەوەییەکانی گەلی کوردا".
سهرۆك مام جەلال لە پەیامە ڤیدیۆکەیدا جهخت له پێكهوه ژیانی ئاشتییانهی كورد لهگهڵ سهرجهم پێكهاتهكانی كهركوك دهكاتهوهو
دهڵێت: "دەبێت لە کەرکوک بەجۆرێک کاربکەین هەموان هەست بکەن کە ماف و بەشیان دەدرێت، چونکە تەنها قسەکردن بەس نییە".
قوباد تاڵهبانی باس لهوهشدهكات:"هەموان شایەتی دەدەن کە لەماوەی سەرۆکایەتییەکەیدا بەبێ جیاوازی، پارێزەری مافی هەمو پێکهاتەکان و مافی هەمو هاوڵاتییان بو، خەمخۆری هەموان و کۆکەرەوەی لایەنە ناکۆکەکان بو".
قوباد تاڵهبانی دهلشَێت: "هەرێم و عێراق لە هەمو کات زیاتر پێویستییان بە عەقڵییەتی كۆكەرەوە و یەكڕیزی نیشتمانی و بەرەنگاربونەوەی گەندەڵی و چاكسازییە، کە ئەوکات سەرۆک مام جەلال بەرجەستەی کردبو".
Copyright © 2020 Kirkuk Tv All Rights Reserved Designed And Developed By AVESTA GROUP